पीर

सँधै कालो हुने
रातको के पीर
बिजुली चम्किंदा हुने
उज्यालोले पो पिरोल्छ
सँधै एक्लो बस्ने जीवनलाई
एकान्तको के पीर
तिमीले साथ दिएपछि पो
नयाँ यात्राले पिरोल्छ
सँधै साथ रहने
दुःखको के पीर
झिपिक्क आएर हराउने
सुखले पो पिरोल्छ
सँधै छाल आउने जीवनलाई
किनाराको के पीर
किनाराले छाडेको दिन पो
नयाँ बाटोले पिरोल्छ !

गाएब

हराउने खोज्न
कराउनेकै भीड भो
त्यो बेला पो झन गजब भयो
जब नहराएका पनि
हराएको खबर भो !

मन

जब मन भर्न खोज्छु
तन रित्तिए जस्तो लाग्छ
मन र तन जोडेर भर्न खोज्दा
रहर रित्तिए जस्तो लाग्छ
क्या गजब छ जिन्दगी
भर्यो रित्तिन्छ रित्तिन्छ भर्यो !

तिलोत्तमा ३ रुपन्देही